Бүгіннен таксистер мен курьерлер салық төлейді.
Таксистер де, курьерлер де «Яндекс» сияқты бір мекемелерде тіркелген, сол мекемелер онсыз да салық төлеп жатыр ғой.
Қайта біздің билікте есі дұрыс адам болса, сол мекемелерге мына таксистер мен курьерлерді штаттағы жұмысшы-қызметкер ретінде рәсімдеп, зейнетақы қорына ақша аударуын міндеттемей ме?!
Омарбек Байсалы жазды. Дұрыс айтады. Компанияларға бұлар онсыз да табысының бәлен пайызын береді…
Десе де бұл пилоттық жоба дейді министрлік. Сондықтан тек тілек білдірушілер қатысады.
Кім өзінің маңдай терімен тапқан адал нанын бөліп береді екен? Онсыз да жетпейтін ақшасына енді мемлекет дәмеленіп отырғаны несі.
Бүгін ғана жас әйел ақша жетпегендіктен өзін өлтіре жаздап еді ғой. Жалақы аз, азық-түлік қымбат. Несие алмағанда не істейді?
Кейін бұл пилоттық жоба міндеттеледі. Операторлар ай сайын олардан жарты жылдық табысының 1 пайызын алып отырады.
Еңбек және халықты әлеуметтік қорғау министрлігі мәліметінше, елімізде 500 мыңнан аса курьер бар. Енді олар да жұмыстарын тастап қашары сөзсіз…
