Рим Папасы Франциск денсаулығына байланысты қызметінен кететінін растады.

85 жастағы Франциск тізесін жарақаттап алып, қозғалысы қиындаған. Осыған байланысты егер денсаулығы шіркеуді басқаруға кедергі келтірсе, отставкаға кетуге дайын екенін айтты, деп мәлімдеді Аciafrica басылымы.

Осынша жасымда және денсаулығымның нашарлауы шіркеуге қызмет етуіме кедергі келтіреді. Ол үшін күтінуім керек немесе орнымды босатуым керек,

деді Католик шіркеуінің басшысы.

Ол кетер алдында әлі де баруға уәде еткен елдерге: Оңтүстік Суданға, Конго Демократиялық Республикасына, Ливанға және Қазақстанға барғысы келетінін айтты.

Менің ерік-жігерім бар, бірақ аяғым қалай болатынын бақылауым керек,

деді Рим Папасы.

Айта кетейік, Президент Қасым-Жомарт Тоқаевтың шақыруымен биылғы 13-15 қыркүйекте Рим Папасы Франциск Қазақстанға мемлекеттік сапармен келеді. 

Сапар аясында еліміздің жоғары басшылығымен кездеседі, сондай-ақ Әлемдік және дәстүрлі діндер көшбасшыларының VII съезіне қатысады деп жоспарланған.