«Талибан» қозғалысының жоғары лауазымды командирі тәліптер Тәжікстанды бір апта ішінде басып ала алады деп мәлімдеді, деп хабарлайды asiaterra.infо.

 «Хаште субх» ауған газетінің хабарлауынша, тәліптердің «Омари» корпусы командирінің орынбасары молда Мохаммад Жан Хамза Тахорда «Талибан» үкіметі министрлерінің бірі қатысқан жиында осылай деп мәлімдеген. Тахор ауған провинциясы Тәжікстанның Хатлон облысымен шектеседі.

Ұлты пуштун Мохаммад Жан Хамза Тәжікстан Ауғанстанның ішкі ісіне араласуын доғармаса, ал Ресей Тәжікстанға көмектеспесе, онда тәліптер бұл елді бір апта ішінде жаулап алады

делінген «Хаште субх» газетінде .

Мәліметтерге қарағанда, ол тәліптердің Тахор провинциясын басып алуында маңызды рөл атқарған.

Душанбе тәліп командирінің мәлімдемесін елеусіз қалдырды. Тәжікстан билігі әдетте «Талибанның» жауапты тұлғаларының мәлімдемелеріне жауап қатпайды, өйткені ол тәліптердің Ауғанстандағы билігін мойындамады, бұған қоса Душанбе мен Кабул арасында дипломатиялық қарым-қатынас жоқ.

Молда Жан Тәжікстан билігін «Ауғанстанның ішкі істеріне араласудан» сақтандырған талибандардың алғашқы жоғары лауазымды өкілі емес.

6 мамырда Кабулда Ауғанстанның бұрынғы премьер-министрі және ислам партиясының негізін қалаушы Гүлбеддин Хекматияр Тәжікстанды Панджшердегі ұлттық қарсылық майданын қолдағаны үшін сынға алды. Оның сөзі Андараб пен Панджшердегі қарсыласу күштерінің шабуылдарымен байланысты болды, нәтижесінде талибандар соққыға жығылған.

Хекматияр тәжік билігіне өз аумағын қарсылық күштеріне баспана ретінде бермейтінін мәлімдеді. Оның айтуынша, Тәжікстан Фархордағы АҚШ-тың ұлттық қарсыласу майданында баспана болған.  Сондай-ақ Ауғанстан Тәжікстанның саяси оппозициясына да пана бола алады.

Тәліптер 2021 жылғы тамызда Кабулды басып алып, Ауғанстан Ислам Әмірлігі құрылғанын жариялады. Тәжікстан президенті Эмомали Рахмон осы елдегі халықтың 46 пайыздан астамын құрайтын тәжік ұлтының өкілдері тәліптердің жаңа үкіметінде жоқ екенін сынады.