3 ақпанда таңғы сағат 8.00-дегі ақпарат бойынша еріген қар және жаңбыр суының мол түсуіне байланысты Арыс қаласы арқылы өтетін Қабылсай каналы толып жатыр.
Төтенше жағдайлар министрлігінің мәліметінше, құтқарушылар өңірде түні бойы су сору және инертті материалы бар қапшықтарды төсеу жұмысын жалғастырды.
Су басқан аумақтардан 204 адам, оның ішінде 111 бала эвакуацияланды.
Құтару жұмыстарын жүргізуге ТЖМ, жергілікті атқарушы органдардың, Қорғаныс министрлігінің күштері мен құралдарынан 430-дан астам адам, 70-ке жуық бірлік техника, 43 мотопомпа жұмылдырылды.
Облыстық және республикалық жедел штабтар қызмет көрсетуде. Облыстық және республикалық жедел штабтар базасында «Жедел желі» телефоны ашылды.
Суреттерден су объектісінің жанында салынған үйлерде қауіп жоғары екенін байқауға болады.
