Түркия мен Сириядағы жер сілкісінен қаза тапқандар саны 4 000-нан асты.
Түрік ТЖ басқармасының (AFAD) басшысы Юнус Сезар Анадолу агенттігіне Түркияның оңтүстігіндегі жойқын жер сілкінісінен қаза тапқандар саны 2921-ге жеткенін айтты. Тағы 15 834 адам жарақат алды. Бұған дейін Түркияның вице-президенті Фуат Октай үйінділердің астынан барлығы 7840 адам аман шыққанын хабарлаған.
Президент Режеп Тайып Ердоған Түркияда апат құрбандары үшін жеті күн Жалпыұлттық аза тұту күнін жариялады.
«Әл-Жазира» телеарнасы Сирияда 1444 адам қаза тапқанын хабарлады. Осылайша, екі елде қаза тапқандардың жалпы саны 4365 адам болды.
Еске салайық, 6 ақпан Түркияның оңтүстік-шығысында, Сирияның бірнеше провинцияларында жер сілкінісі болды. Ең күшті жер сілкісіні 7 баллдан асты. Табиғи апат салдарынан Түркияда көптеген ғимарат құлады.