Парламент мәжілісінің депутаты Азат Перуашев қазақстандық әйелдердің тұрмыстық зорлық-зомбылыққа төзімділік танытуының себептерін атады. Бұл туралы Stan.kz ақпарат агенттігі хабарлайды.
Мына нәрсені айта кеткен жөн. Ер адам ұрып-соқса, 15 күнге қамауға алып кетеді. Алайда әйелінің өзі оған ешқандай шағымы жоқ екенін айтып, босатуды сұрайды,
деді Азат Перуашев.
Оның пікірінше, қазіргі ұрпақ тұрмыстық зорлық-зомбылық мәселесінде дұрыс ойланбайды.
Бұл жерде әңгіме дәстүрлі және отбасылық құндылықтар туралы емес. 20-30 жыл бұрынғы ұрпақтың қарым-қатынасқа деген көзқарасы озық болды. Қазіргі тұрмыстық зорлық-зомбылық себептері бізге жат нәрселерді таңып жатқан исламданумен тығыз байланысты. Зайырлы өмір салты мен заңдарға бағынбай, керісінше имамға жүгінеді. Бұл дұрыс емес. Зайырлы мемлекет болғымыз келсе, заңға бағынуымыз керек,
деді депутат.