ҚР Парламенті Сенатында отандық кинолардағы төсек қатынасын көрсетуді тыю мәселесі талқыланды. «Мәдениет туралы» заң жобасын талқылауға қатысқан атақты актер Асанәлі Әшімов көркем фильмдердегі жыныстық қатынас жайлы қойылымдарға қарсы шықты.
Халық әртісі тіпті, ер мен әйелдің арасындағы анайы байланысты ашық көрсеткен режиссерлерді заңмен жазалауды ұсынды, деп хабарлайды КТК арнасы.
Ал, депутаттар фонограммамен ән салып, жұртты алдап жүрген әншілерді де жауапқа тартуды сұрап отыр.
Қазақ киносының ақсақалы Асанәлі Әшімов соңғы кезде отбасымен бірге отырып отандық киноны көруден қалыпты. Өйткені, төсекте алысқан ер мен әйелдің жыныстық қатынасы ашық насихатталатын болған. Әйгілі актер бұл арсыздықты тоқтату үшін сенаторлардан араша сұрап отыр.
Сондықтан Әшімов сексті көрсетуге заңмен тыйым салу керек дейді.
Қызды айналдыру – өнер, төсекке жату – өмір. Режиссерлар соның ортасын көрсетеді. Ағайындарыңмен көріп отырып ыңғайсыз жағдайға қаласың. Осыны заңмен тыйсақ жақсы болар еді,
дейді Асанәлі Әшімов.
Сонымен қатар, жаңа заң бойынша, енді режиссерлер өзі түсірген әр фильмнің мазмұнына басымен жауап береді. Және олардан киноға кәсіби актерлерді шақыру да талап етілмек.
Соңғы уақытта ашық түсірілетін фильмдер мен сериалдар қатары артты. Теледидардан көрсетілмесе, ғаламтор арқылы көруге еш тыйым салынбаған. Ал қазақтың менталитетіне сай келе бермейтін «тым ашық» кадрлары бар фильмдер қазақ қоғамы үшін ерсі көрінетіні сөзсіз. Тақырыпқа сай ең «ұятсыз» фильмдер тізімін жасадық. Алдын ала кешірім сұраймыз.
- Охотник (2004)
- Қайрат-чемпион. Девственник №1 (2009)
- Шу-Чу (2009)
- Келін (2009)
- Теряя невинность в Алма-Ате (2011)
- Тоқал (2016)
- Она (2017)
- Золотая Орда (2018)
- Рауза (2019)