Алматыда белгісіз ер адам таныспағаны үшін бойжеткенді соққыға жыққан. Деректерге сай оқиға шілде айының соңында болған.
Құрбым екеуміз өзеннің жағасында отырдық. Қолдарында сырасы бар екі ер адам келіп, бізбен танысқысы келді. Біз екі рет сыпайы түрде бас тарттық. Кейін олардың бірі балағаттап, неге таныспайтынымызды сұрады. Кейін ол кенеттен жұдырығымен жағымнан ұрды. Есімнен айырылдым, кейін 102, 103 шақыртыпты,
деді бойжеткен.
Ең сорақысы сол қыздың айтуынша, полицейлер оның “түнде серуендеп жүргеніне өзі кінәлі» деп арызын қабылдамаған.
Алматы полициясы қазір күдіктілерді анықтап, ұстауға бағытталған жедел іс-шаралар жүргізіліп жатқанын хабарлады. Жәбірленушінің алған дене жарақатының ауырлығын анықтау мақсатында сот-медициналық сараптама тағайындалды.
