Қытайдың Франциядағы елшісі Лю Шэй бұрынғы кеңестік елдердің тәуелсіздігіне күмән келтіріп, мәлімдеме жасады. Ол бұл туралы француздық LCI телеарнасының эфирінде айтқан. Оның сөзінше КСРО ыдырағаннан кейін құрылған мемлекеттердің егемендігі жоқ.
КСРО ыдырағаннан кейін құрылған мемлекеттер жаһандық құқықта тиімді мәртебеге ие емес, өйткені олардың мәртебесін егеменді елдер ретінде нақтылайтын халықаралық келісім жоқ,
деді елші.
Сонымен қатар, қытайлық дипломат Қырым түбегі бастапқыда Ресейге тиесілі болғанын айтты. Бірақ Кеңес Одағы кезінде «Хрущев оны Украинаға берді» деп есептейді.
Ал Қазақстан Республикасының Сыртқы істер министрлігі Лю Шэйдің мәлімдемесіне қатысты түсініктеме берген жоқ.