Қызылордада бұрынғы полиция қызметкері жүкті әйелін соққыға жыққаннан кейін ол үшінші қабаттың терезесінен құлап, мүгедек болып қалды. Бұл туралы Stan.kz ақпарат агенттігі Egovpress Telegram-арнасына сілтеме жасап хабарлайды.
Аруна Аманова мен Ж. есімді ер адаммен 2019 жылы шаңырақ көтерген. Әйелдің айтуынша, бір айдан соң күйеуі оған қол көтере бастаған. Бірақ жағдай қайталанған сайын ол жылап, келіншегінен кешірім сұрауды әдетке айналдырған, ол отбасын сақтап қалу үшін кешірген.
«2021 жылы оның соққысынан мен ауруханаға түстім. Сосын арыз жаздым, бірақ ол кешірім сұрап, артымнан жүгірді. Ал мен баламыз үшін кешірдім», – дейді келіншек.
2022 жылдың 4 қарашасында Аруна жұмыстан үйіне оралып, төсекке жатқан. Бір күн бұрын ол күйеуімен жанжалдасып қалған еді. Себебі ол жұбайының көзіне шөп салғанына сезіктеніп жүрген.
Таңғы сағат үште күйеуімнің екі досы келіп, оны екі жағынан ұстап, үйге әкелді. 4 қарашада ол майор шенін алып, осы оқиғаны тойлады.Ол мас болғандықтан, есін білмеген. Олар оны диванға жатқызды, мен мүмкіндікті пайдаланып, Мен оның расымен көзіме шөп салғанын көрсету үшін телефонын ақтардым. Хат-хабарларды тауып алдым да, оятып, телефонды көрсеттім. Ол мені балағаттап, көздері ашу-ызаға толды. Мен қатты қорықтым. Ол мені қайта-қайта ұрды,
деді жәбірленуші.
Ер адам жатын бөлмеге киім ауыстыруға кеткенде, Аруна ас үйге тығылды.
«Мен қараңғыда тығылып отыр едім, ол мені тауып алып, қонақ бөлмеге шашымнан сүйреп кіргізді. Басымнан ұрып, тұншықтырды, есімді жоғалттым. Есімді жиғанымда, көшеде жерде жаттым. Ол досымен үстімнен қарап, “неге секірдің?” деді. Мен кім қайдан секіргенін түсінбей қалдым. Одан кмек сұрап, қиналып жаттым”, – деді әйел.
Арунаның қалай құлағаны есінде жоқ. Жәбірленушінің айтуынша, ол кейін жедел жәрдем мен полиция қызметкерлеріне өзін құтқару үшін секіріп кеткенін айтқан. Алайда есіне ештеңе түсер емес.
«Мүмкін олар мені қорқытып, мәжбүрлеген шығар. Құлағанға дейін және құлағаннан соң не болғанның бәрі есімде. Бір жыл өтті, бірақ қалай секіргенім әлі есімде жоқ», – дейді ол.
Оқиға кезінде Аруна жүктілікің тоғызыншы аптасында болған. Терезеден құлағаннан кейін ол асфальтқа арқасымен құлап, омыртқасын сындырып алды. Қазір Аруна мүгедектер арбасына таңылған, жүру қабілетінін айырылды. Дәрігерлер келіншектің кейін жүріп кететініне күмәнмен қарайды. Сондай-ақ Арунаның жата бергеннен денесі қажалып, денесінде жаралар пайда болған.
«Ауруханада жатқанымда анам қасымда болып, маған қарады. Осыны пайдаланып, іздер мен айғақтардан құтылу үшін пәтерді толығымен тазалаған. Ол мені ұрып-соққанда, мен қызыл халатпен едім. Бірақ ол халатты жыртып тастады, мен онсыз құладым. Сосын халат жоғалып кетті, ол оны лақтырып тастаған», – дейді Аруна.
Сорақысы, үйдің ішінде тергеу жүргізілмеген. Іс бір айда қысқарғанын айтады. Дәбірленушінің айтуынша, үйдегі бейнебақылау камераларының жазбаларыжоғалып кеткен.
Қызылорда облысының полиция департаменті бұл факті бойынша 2022 жылдың 4 қарашасында Қылмыстық кодекстің 105-бабы “Өзін-өзі өлтіруге итермелеу” бойынша қылмыстық іс қозғалғанын хабарлады.
Қызылорда облысының полиция департаментінің ішкі қауіпсіздік басқармасы жәбірленуші тараптың уәждерін мұқият тексеріп, барлық тиісті сот-медициналық сараптамалар тағайындап, тергеу әрекеттерін жүргізді. Оның қорытындысы бойынша ҚК 35-бабы 1-бөлігінің 2-тармағына сәйкес тергеу амалдары жүргізілді. Қылмыстық іс жүргізу кодексіне сәйкес қылмыстық құқық бұзушылық дәлелдемелерінің болмауына байланысты қылмыстық іс тоқтатылды. Қаулысының заңдылығы мен негізділігі Қызылорда облысының прокуратурасымен зерделеніп, бекітілді. Сонымен қатар, сол кезде 2022 жылдың 18 қарашасында болған оқиғаға байланысты полиция қызметкері ішкі істер органдарынан қызметінен босатылды,
деп түсіндірді полиция департаменті.
