Елімізде базалық зейнетақы мөлшері артады. Оны көбейту үшін ең жоғары табыс та ұлғаяды. Яғни 2025 жылға қарай орта есеппен 27 пайызға өседі деген сөз.
Зейнетақы жүйесі қысқаратыны белгілі. Себебі оны есептеу кезінде 1998 жылғы 1 қаңтарға дейінгі еңбек өтілі ескеріледі.
Қазір елімізде көп деңгейлі зейнетақы жүйесі қалыптасты. Қандай өзгерістер орын алады?
Бірінші. 2023 – 2027 жылдар аралығындағы кезеңде ең төменгі базалық зейнетақының мөлшерін кезең-кезеңімен ең төменгі күнкөріс деңгейінің шамасынан 54-тен 70%-ға дейін, ең жоғары мөлшерін 100-ден 120%-ға дейін жеткізу көзделіп отыр. Яғни базалық зейнетақының жыл сайынғы өсімі 13 пайызды құрайды. 2 млн зейнеткерге қатысты.
Екінші. 2023 жылғы 1 қаңтардан бастап зейнетке шығатын азаматтар үшін ынтымақты зейнетақыларды есептеу үшін пайдаланылатын ең жоғары табыстың шамасын 46-дан 55 айлық есептік көрсеткішке дейін арттыру көзделеді. Яғни, 2025 жылға қарай зейнетақы 27 пайызға артады. 3 жыл ішінде 109-дан 138 мың теңгеге дейін көбейеді. Осылайша, мемлекет қарт адамдар арасында кедейліктің өсуіне жол бермеу бойынша міндеттемелер қабылдайды.
2023 жылдың 1 қаңтарынан бастап жоспар бойынша орнатылар төлемдер көлемі:
- мемлекеттік базалық зейнетақы төлемінің ең төменгі мөлшері – 21 907 теңге (ағымдағы мәні – 20 191 теңге);
- зейнетақының ең төменгі мөлшері – 53 076 теңге (ағымдағы мәні – 48 032 теңге);
2023 жылдың 1 қаңтарынан бастап зейнетақының орташа мөлшері 119 460 теңгені құрайды.
2024 жылы ол 125,5 мың теңгеден, 2025 жылы – 130,4 мың теңгеден асады.