Қандай құжаттар керек, кімдер ала алады?
Міндетті сақтандыру жүйесі болуы керек. Себебі жәрдемақы жұмыссыз қалған азаматқа сол қордан тағайындалады.
Жұмыссыз ретінде тіркелу керек. Ол үшін жұмыспен қамту орталығына баруға немесе электронды еңбек биржасының сайтында онлайн рәсімдеуге болады, дейді Massaget.kz
Құжаттан керегі: жеке куәлік пен өтініш.
Жәрдемақының мерзімі жұмыссыз азаматтың еңбек өтілімен және әлеуметтік аударым жүргізілуімен тікелей байланысты. Мысалы, әлеуметтік аударымдар 6-12 ай ішінде түсіп отырса, бір айға ғана тағайындалады. Әрі қарай солай есептеле береді.
Ал мөлшеріне бірнеше фактор әсер етеді. Олар: әлеуметтік сақтандыру қорына жасалған мөлшері мен табысы және еңбек өтілі.
Осы формулаға сәйкес есеп жүргізіліп, 35 000 теңгеден 224 000 теңгеге дейін төлем жасалады.
Қандай жағдайда тоқтатылады?
- жұмыссыз ретінде тіркелген азамат елден кеткенде;
- ҚР азаматтығынан шығарылғанда;
- қылмыстық іс бойынша сотталғанда;
- жұмыссыздық тізімінен шығарылғанда;
- зейнеткерлік жасқа толғанда;
- қайтыс болған жағдайда.
