Жанармай бағасының шарықтайтыны соншалық, мемлекет көлік салығынан бас тартуға дайын сияқты.
Бұл туралы сарапшы Нұрлан Жұмағұлов өзінің телеграм-арнасында жазды:
«2025 жылы ЕАЭО елдері шеңберінде мұнай өнімдерінің бірыңғай нарығына көшу жанар-жағармай бағасының айтарлықтай өсуіне әкеледі. Нәтижесінде, көлік құралдарына салынатын салықты ескере отырып, жеке тұлғалардың жеңіл автокөліктерді пайдаланғаны үшін жалпы шығындары артады.
Ұлттық экономика министрлігі «жанар-жағармай бағасы айтарлықтай өсетін болса (мысалы, екі есеге) сәйкесінше азаматтардың көлікті иеленуге және пайдалануға жұмсайтын шығындары да артады. Бұл өсім әсіресе эконом-класстағы көлігі барлар үшін қатты сезілетін болады. Осыған орай олардың әлеуметтік және қаржылық жағдайының нашарлауына жол бермеу шаралары қажет» дейді. Және салықты жоюды ұсынып отыр.
2022 жылы жеке тұлғалардың көлік құралдарына салынатын салық түсімдері 70 млрд теңгені құрады. Табысты үнемдеу мақсатында қозғалтқыш көлемі жоғары автокөліктерге салықты сақтап қалу ұсынылады.
Сонымен қатар, мұнайды ішкі нарыққа сату кезінде пайдалы қазбаларды өндіру салығы ставкалары бойынша 0,5 коэффициентті алып тастау ұсынылып отыр. Себебі: ЕАЭО мұнай және мұнай өнімдерінің ортақ нарығының жұмыс істеуі 2025 жылдың 1 қаңтарынан басталады».
