Жыл басынан бері елімізден 8 миллион доллардан астам қолма-қол шетел валютасы шығарылмақшы болған. Бұл туралы ҰҚК Шекара қызметінің баспасөз қызметі хабарлады.
Мекеме елден шығарылмақшы болған қолма-қол соманы «Қазақстан Республикасының қаржылық тұрақтылығын қамтамасыз ету жөніндегі шаралары туралы» жарлығын жүзеге асыру аясында анықтаған.
Қазақстан Республикасы Президентінің «Қазақстан Республикасының қаржылық тұрақтылығын қамтамасыз ету жөніндегі шаралары туралы» 14 наурыздағы № 830 Жарлығын іске асыру шеңберінде «Алматы» шекаралық бақылау басқармасы Алматы қаласының Авиациялық көлік прокуратурасының үйлестіруімен жыл басынан басынан бері Қазақстан Республикасынан 8 000 000 АҚШ долларынан астам сомаға валютаны әкетуге жол берген жоқ,
деп жазылған ведомства хабарламасында.
Еске салайық, 2022 жылғы наурызда мемлекет басшысы елден 10 мың АҚШ долларынан көп қолма-қол шетел валютасын шығаруды шектеу туралы жарлыққа қол қойды. Жарлық ел ішіндегі қаржылық тұрақтылыққа қауіп төндірмеу және алыпсатарлық сұраныс қысымын төмендету үшін қабылданған еді.
