Қасым-Жомарт Тоқаев Павлодарда жұртшылықпен кездесіп жатыр. Бұл туралы Ақорда хабарлады.
Мемлекет басшысы облыстың дамуына әуе қатынасы ерекше әсер ететінін айтты.
Оның айтуынша, Павлодар облысының экономикасын дамытуға өзге өңірлермен әуе қатынасын орнату айрықша ықпал ететіні анық. Қазір облыс орталығынан Астананың өзіне тікелей ұшақ ұшпайды.
Үкімет жыл соңына дейін «Павлодар – Астана» бағытындағы тұрақты әуе қатынасын қалпына келтіруі керек. Сондай-ақ жергілікті әуежайдың ұшу-қону жолағын жөндеу мәселесін пысықтаған жөн,
деді президент.
Айта кетейік, мемлекет басшысы қазір Павлодар облысында іссапарда жүр. Ол Үкіметке Павлодар облысын таза сумен қамту үшін қаржы бөлуді тапсырды.
