Қылмыстық-атқару жүйесі комитеті (ҚАЖК) отандық пенитенциарлық жүйені метаәлемге көшіретін жоба жариялады. Онда ойыншының басты мақсаты келіп түскен сотталғандарды түзету болады.

Жоба анонсы жыл сайын 18 шілдеде атап өтілетін Нельсон Манделаның туған күніне орай жарияланды, деп хабарлайды Polisia.kz. Ведомство ойын жүйесі блокчейн технологияларына негізделетінін айтты. Қолданыстағы құралдарды пайдаланып, оларды біріктіре отырып, ойыншы түзетілген сотталғандар түрінде токен алады. Токен деңгейі ойыншының өзіне ұсынылған құралдарды қаншалық дұрыс таңдағанына байланысты болады.

Ойыншыға қылмыскер түрінде бастапқы токен сатып алу ұсынылады. Ойын кезінде токен заңға бағынатын азаматқа айналады. Токен деңгейі ойыншының өзіне ұсынылған құралдарды қаншалық дұрыс таңдағанына байланысты болады. Мысалы, сотталушының жеке басын зерттеу немесе қауіптер мен қажеттіктерді бағалау арқылы анықталады. Ары қарай ойыншы түрлендірілген токенді шын ақшаға айырбастай алады немесе оны ойын процестеріне жұмсай алады,

деді ведомствода.

Ойынды жалпы бәрі бета-тестілеу аяқталғаннан кейін ойнай алады.