Кейінгі 5 жыл ішінде елімізде туберкулез бойынша эпидемиологиялық жағдайда тұрақты оң динамика байқалды, деп хабарлайды ҚазАқпарат.
Денсаулық сақтау министрлігінің мәліметінше, туберкулезбен сырқаттанудың негізгі көрсеткіші 2018 жылы 81,7 болса, 2022 жылы 100 мың халыққа шаққанда 36,5-ке дейін төмендеді. Таралуы бойынша 2018 жылы 69,2-ден 2022 жылы 49,6-ға дейін төмендеді. Өлім-жітім де 2018 жылы 7,4 болса, 2022 жылы 1,6-ға дейін төмендеді.
Денсаулық сақтау министрлігінің штаттан тыс бас фтизиатры Мәлік Әденов түсіндіргендей, 2023 жылдың 1 жартыжылдығындағы көрсеткіштерді талдау кезінде сырқаттанушылықтың, таралудың және өлім-жітімнің төмендеуі байқалады. Бұл факт ҚР бойынша эпидемиологиялық жағдайдың көпжылдық тұрақтанғанын көрсетеді.
Қазақстанда туберкулезді уақытылы анықтау үшін халықаралық стандарттарға сәйкес келетін және көптеген дәріге көнбейтін туберкулез бен туберкулездің (КДК ТБ) болуын анықтауға мүмкіндік беретін ДДҰ ұсынған заманауи әдістер енгізілді.
Туберкулездің белгілері мен симптомдары бар барлық адам үшін бастапқы диагностикалық сынақ ретінде ДДҰ молекулалық диагностикалық жедел сынақтарды қолдануды ұсынады. Осы сынақтардың көмегімен 2 сағаттың ішінде нәтиже алуға және адамның негізгі туберкулезге қарсы препаратқа сезімталдығының бар-жоғын білуге болады.
Қазір барлық МСАК ұйымдары, оның ішінде аудандық деңгейдегі ұйымдар туберкулезді және оның тұрақты түрлерін тез диагностикалау үшін жабдықтармен қамтамасыз етілген.
Жұмыс істеп тұрған 19 өңірлік (облыстық, қалалық) туберкулезге қарсы зертханалар жаңа және қайта бейінді препараттарды қоса алғанда, дәрілік сезімталдыққа тестілеу бойынша сапаны сыртқы бағалаудың халықаралық раундынан өтті. Қазақстанда туберкулезбен ауыратын науқастарды емдеудің тиімділігі әлемдегі ең жоғары көрсеткіштердің бірі болып саналады. 2021 жылы сезімтал туберкулезбен алғаш анықталған науқастардың арасында ол 85,9% (ДДҰ стандарты — 85%) және дәріге көнбеушілігі 80,2% (ДДҰ стандарты — 75%) болған.
Аурумен күресте дәрі-дәрмектердің жаңа түрлерін енгізу, сондай-ақ жаңа технологиялар маңызды рөл атқарды.
Мысалы, смартфон арқылы бейнебайланыс арқылы медицина қызметкерлері емдеу процесін бақылайтын емдеу тәжірибесі енгізілді. Бұл ретте интернет үшін шығындарды медициналық мекеме өзіне алады. Егер пациентте смартфон болмаса, медициналық мекеме ұсынады.Бүгінде ҚР заңнамасына сәйкес туберкулезбен ауыратын науқастарға психикалық-әлеуметтік қолдау көрсетіледі. 2022 жылдың қорытындысы бойынша амбулаториялық ем алатын пациенттердің 95%-ы әлеуметтік қолдау шараларымен қамтылды.
Туберкулез – жақсы бақыланатын инфекциялық ауру. Бұл ретте Қазақстанда туберкулездің профилактикасы, диагностикалау және емдеу тегін және мемлекет тарапынан толық қаржыландырылады.
Әлем халқының шамамен төрттен бір бөлігі туберкулез бактерияларын жұқтырған деп есептеледі.