Кәмшат Жолдыбаева мен актер Ғазірет Ержанов өздерінің Instagram парақшаларына біріккен суреттерін жариялады. «Киноның афишасы болса қандай атау берер едіңіздер?» деген жазба қалдырды актерлер суреттеріне.
Оқырмандар түрлі нұсқалар ұсынып жатыр. Оның ішінде танымал адамдар бар. “Кино емес өмір” деген» деп жазды Мадина Сәдуақасова.
Асылхан Төлепов от смайлдар жіберген.
Басқа оқырмандар «Махаббат жасқа қарамайды», «Таптым-ау сені», «Сүйем, бірақ жеккөрем», «Мистер және миссис Смит», «Сақалдының махаббаты» деген сияқты нұсқалар ұсынып жатыр.
Айта кету керек, Камшат Жолдыбаева мен Ғазірет Ержановтың кездесіп жүргені туралы қауесеттер биыл жазда пайда болған. Көрермендер актерлердің қолұстасып қыдырып жүргендерін суретке түсіріп алған.