Солтүстік Қазақстан облысында бұрынғы учаскелік инспектор қасақана жасалмаған кісі өлімі ісінде әрекетсіз болды деген күдікке ілініп, ұсталды. Бұл туралы Tengrinews.kz жазды.

Өңір прокуратурасы дерегінше, 11 шілдеде Жамбыл ауданы ауруханасында оқ-дәрі қаруынан Бауман ауылында тұратын 51 жастағы әйел қайтыс болған.

Әйелдің 65 жастағы ауылдасы ұсталып, оның әрекеті «Абайсызда кісі өлтіру» және «Атыс қаруын заңсыз сақтау» баптары бойынша сараланды,

делінген хабарламада.

Оған қоса, ҚР ҚК-нің 370-бабының 4-тармағы «Қызметтегі әрекетсіздік» бойынша қылмыстық құқық бұзды деген күдікпен Жамбыл ауданы, Озерное ауылы учаскелік полиция бөлімінің бұрынғы учаскелік инспекторы ұсталып, уақытша ұстау изоляторына қамалды.

Алдын ала анықталғандай, күдікті полиция қызметкері бола тұра, абайсызда кісі өліміне әкеп соққан қылмыс жасаған адамға жақын жүре тұра, ауыр зардаптарға жеткізген қылмыстық құқық бұзушылықтардың алдын алу бойынша өзінің қызметтік міндетіне жататын әрекет етпеген,

деді прокуратурада.

Облыс полицейлері жедел-іздестіру шараларын жүргізіп жатыр. Сот сараптамалары тағайындалды. Күдіктілер әрекетіне қатысты қорытынды сараптаулар терегу аяқталған соң белгілі болады.

Еске салайық, Солтүстік Қазақстан облысының Алтынай Мұздақбаева деген тұрғыны Бауман бекетінен 3 шақырым жерде жаралы күйінде табылған еді. Кейін белгілі болғандай, ол орманға жидек теруге барып, бірақ жергілікті аңшылар атқан оқтың астында қалған. Ол ауруханаға жетпей көлікте қайтыс болды.