Президенттің баспасөз-хатшысы Руслан Желдібай 18 жасқа толмаған балаларға мемлекет ашатын жинақтаушы есепшот туралы тағы түсіндірді.
Арнайы есепшот норма күшіне енген сәтте (2024 жылы) 18 жасқа толмаған барлық баланың атына ашылады. Шотқа бала кәмелет жасқа толғанша ақша аударылып отырады,
деді Руслан Желдібай.
Тағы айта кететіні, есепшоттағы қаржы шетел валютасында жиналады. Оған қоса, жинаққа процент жүреді. Бұл шара қаржыны инфляциядан қорғайды.
Еске салайық, Руслан Желдібай бала 18 жасқа толғанша жинақтаушы есепшотында қанша сома жиналатынын айтқан еді.
Оған дейін президент жолдауында енді мемлекет әр баланың жинақтаушы есепшоты болатынын мәлімдеді.